Gen 10 | NdeIBE | STEP | Lo ngumlando kaShemu, loHamu loJafethi, amadodana kaNowa, okwathi bona ngokwabo baba lamadodana ngemva kwesikhukhula.

Genesis 10

Uhlelo lwezizwe

1 Lo ngumlando kaShemu, loHamu loJafethi, amadodana kaNowa, okwathi bona ngokwabo baba lamadodana ngemva kwesikhukhula.

AmaJafethi

2 Amadodana kaJafethi nanka: uGomeri, uMagogi, uMadayi loJavani, uThubhali, uMesheki loThirasi.

3 Amadodana kaGomeri nanka: u-Ashikhenazi, uRiphathi loThogama.

4 Amadodana kaJavani nanka: u-Elisha, uThashishi, uKhithimi loRodanimu.

5 (Kusukela kulaba abahlala ngasolwandle bachithekana ngezigodi zabo yilabo ngosendo lwabo bephakathi kwezizwe zabo, kuyilabo bekhuluma ulimi lwabo.)

AmaHamithi

6 Amadodana kaHamu nanka: uKhushi, uMizirayimi, uPhuthi loKhenani.

7 Amadodana kaKhushi nanka: uSebha, uHavila, uSabhitha, uRahama loSabhitheka. Amadodana kaRahama nanka: uShebha loDedani.

8 UKhushi wazala uNimrodi, owakhula waba yisiqhwaga esesabekayo emhlabeni.

9 Wayengumzingeli omkhulu phambi kukaJehova; kungakho lokho kwathiwa, “NjengoNimrodi, umzingeli omkhulu phambi kukaJehova.” 10 Izindawo ezinkulu zembusweni wakhe kwakuyiBhabhiloni, i-Ereki, i-Akhadi leKhaline eShinari. 11 Esuka kulelolizwe waya e-Asiriya lapho akha khona iNineve, leRehobhothi, le-Iri, leKhala 12 leReseni ephakathi kweNineve leKhala; yilo idolobho elikhulukazi.

13 UMizirayimi wazala amaLudi, lama-Anani, lamaLehabi, lamaNafithuhi, 14 lamaPhathirusi lamaKhasiluhi (okwadabuka khona amaFilisti) lamaKhafithori.

15 UKhenani wazala uSidoni izibulo lakhe, lamaHithi, 16 lamaJebusi, lama-Amori, lamaGirigashi, 17 lamaHivi, lama-Arikhi, lamaSini, 18 lama-Arivadi, lamaZemari kanye lamaHamathi. Muva izizwana zamaKhenani zasabalala

19 kwathi imingcele yeKhenani yasukela eSidoni isiya eGerari kufika eGaza, bese kuqonda eSodoma, leGomora, le-Adima leZebhoyimi kuze kuyefika eLasha.

20 La yiwo amadodana kaHamu ngezinsendo zawo langezindimi zawo, ezigodini zawo kanye langezizwe zawo.

AmaSemi

21 Amadodana azalwa njalo kuShemu, umnewabo owayenguJafethi; uShemu wayengukhokho wawo wonke amadodana ka-Ebheri.

22 Amadodana kaShemu nanka: u-Elamu, u-Shuri, u-Arifazadi, uLudi lo-Aramu.

23 Amadodana ka-Aramu nanka: u-Uzi, uHuli, uGetheri loMesheki. 24 UArifazadi wazala uShela, uShela wazala u-Ebheri.

25 U-Ebheri wazala amadodana amabili: omunye wayebizwa ngokuthi nguPhelegi, ngokuba ngesikhathi sakhe umhlaba wawehlukene; umfowabo kwakuthiwa nguJokithani.

26 UJokithani wazala u-Alimadadi, loShelefi, uHazarimavethi, uJera,

27 uHadorami, u-Uzali, uDikila, 28 u-Obhali, u-Abhimayeli, uShebha, 29 u-Ofiri, uHavila loJobabi. Bonke laba babengamadodana kaJokithani.

30 Isigodi ababehlala kuso sasisukela eMesha kusiya eSefari elizweni elilamaqaqa elisempumalanga.

31 La ngamadodana kaShemu ngezinsendo zawo langezindimi zawo, emazweni awo lezizweni zawo.

32 Lezi yizinsendo zamadodana kaNowa kusiya ngemindeni yazo, phakathi kwezizwe zawo. Kusukela kuwo la izizwe zachithekana kuwo wonke umhlaba ngemva kukazamcolo.